كتب / فكري قاسم 

الأم تحبل وتولد وتتعب في تربية الأولاد والأب يشقي من صبح الله لوما يفتصع ظهره لاجل لقمة الاولاد ولاجل ومستقبلهم ..وعسى ان يكبروا ويفتح الله عليهم ويعوضوا الأم والأب ويشيلوا عنهم بعض من الحمولة الثقيلة . والحوثي السلالي يجي يسلب الاولاد من بين اهاليهم ؛ ويشلهم عليهم هكذا بارد مبرد ويغسل عقولهم بخرافاته وبمعقتداته السلالية الخاصة ويوهدربهم من بعد ذلك ؛ مثل القطعان الى محارق الموت الوفير في #جبهات_تعز وغبرها مش عشان مستقبل العائلة المسلوبة طبعا ! ولا عشان راحة الام والاب اللي تعبوا وربوا .. وانما لاجل يتمسيد الحوثي هو وجهاله واهله وسلالته ! واسألكم بالله ما ذلحين : اين في ظلم واسعباد واستعلاء ؛ واستهتار بارواح الناس وبمستقبلهم ازيد من هذا الذي احنا شايفينه ومعايشين له بشكل يومي في مسيرة الموت القرآني المتدفق علينا بلا حساب !#وقلك_ليش_مطننين؟ يعني الأمهات يحبلين ويولدين .. والإباء يشقوا ويفتحروا .. والحوثي يجي يشل الخراج كله عليهم لاجل مستقبل وراحة وفهنة عيال وبنات سلالة عنصرية كهنوتية تشتي تحكم اليمن وتتمسيد على اليمنيين كذا صميل ياصميل ! وعشان كذا #اخي_القبيلي_المطنن_اختي_القبيلية_المطننة اتقوا الله في انفسكم وفي مصائر فلذات اكبادكم .. وامسكوا جهالكم وحافظوا عليهم بين ايديكم ولا تطعفروهم في محارق وحروب ما منها غير الشقاء والشقاق والموت المهين في سبيل سلالة عنصرية متوردة لاترى فيكم اكثر من انكم مجرد فقاسات لانتاج حاجتها اليومية من النفوذ والاستعباد ولاترى في ابنائكم وفلذات اكبادكم ؛ غير انهم وقودها البشري المتاح للمسيدة على اليمنيين ؛ بما فيهم انتم ايضا ؛ ولتأمين حياة ومستقبل #آل_البيض .